Abre a túa porta

mércores, 22 de abril de 2015

DÍA DA POESÍA NO CEP MARCOS DA PORTELA

Ola compañeiros e compañeiras!

Queremos compartir con todos e todas vós, os vídeos que fixemos no día da Poesía, que foi o 21 de marzo.

Os rapaces e as rapazas de 1º e 2º aprendemos o poema "O arco da vella" e os de 3º aprenderon "O Sol" de Manuel María, xa que este ano estivemos traballando e investigando sobre o tema da luz.

Tamén decoramos os chanzos do noso cole cos versos destas poesías, que vos parece?

Esperamos que vos gusten moito!

Bicos e apertas!

Tamén podedes ver estes vídeos no noso blog de normalización

"A palabra saborosa".

martes, 9 de decembro de 2014

VISITA DO CEP MARCOS DA PORTELA AO CEIP ISIDORA RIESTRA

Os días 19, 20 e 21, o alumnado de 1º, 2º e 3º do CEP Marcos da Portela coñeceu en persoa aos seus compañeiros e compañeiras do CEIP Isidora Riestra.

Nada máis chegar, tivemos un grandioso recibimento e sentímonos moi ben acollidos.

Primeiro fixéronse cinco grupos de diferentes cores con nenos e nenas de ambos os dous coles, para realizar un mural onde cadaquén debuxou libremente algo relacionado co encontro e escribiu como se sentía nese intre.

Unha vez rematados os fermosos murais, puidemos degustar a saborosa rosca que nos ofreceron e xogar no patio onde admiramos unha fermosa árbore coas cores do outono.

A continuación, fomos visitar, da man dun neno ou nena do outro cole, o Parque da Memoria.

Finalmente cada grupo amosou o seu mural e escollemos dous deles para traer e expoñer no cole.

Para agradecer a visita levamos como agasallo unhas plantas aromáticas sementadas por nós, como símbolo da amizade que agromará.